لاہور (سپورٹس رپورٹر) لاہور ٹیسٹ میں پاکستانی بائولر شاہین آفریدی نے ایک ہی اوور میں دو آسٹریلوی بیٹرز کو پویلین بھیج دیا۔ شاہین شاہ آفریدی نے تیسرے ہی اوور میں پہلے ڈیوڈ وارنر کو ایل بی ڈبلیو آؤٹ کیا اور پھر مارنس لبوشین کو بھی وکٹوں کے پیچھے کیچ آؤٹ کرا دیا۔قبل ازیں ٹاس جیت کر آسٹریلیا کے کپتان پیٹ کمنز کا کہنا تھا کہ وکٹ بیٹنگ کے لیے سازگار دکھ رہی ہے۔ اور ہم نے اس ٹیسٹ کے لیے کراچی ٹیسٹ والی ٹیم کو ہی برقرار رکھا ہے۔