لاڑکانہ(بیورورپورٹ) گیریلو اور خیرپور ناتھن شاہ میں مختلف واقعات میں دو نوجوان زندگی کی جنگ ہارگئے، تفصیلات کے مطابق گیریلو کے قریب تیز رفتار موٹرسائیکل سلپ ہونے کے نتیجے میں گاؤں محراب پور کا رہائشی 28 سالہ نوجوان سجاد جتوئی شدید زخمی ہوگئے جنہیں ورثا کی جانب سے تشویش ناک حالت میں چانڈکا اسپتال کے شعبہ حادثات منتقل کردیا جہاں وہ زخموں کے تاب نہ لاتے ہوئے دم توڑگیا۔ دوسری جانب دادو ضلع کی تحصیل خیرپور ناتھن شاہ میں نوجوان منیر احمد چانڈیو نے مبینہ طور پر گھریلو ناچاقیوں کے باعث زہریلی دوا پی کر خودکشی کی کوشش کی جسے ورثاء کی جانب سے تشویش ناک حالت میں چانڈکا اسپتال منتقل کردیا جہاں ڈاکٹروں نے ان کے موت کی تصدیق کی، دوسری جانب متوفین کی نعشیں ورثہ کے حوالے کردی گئیں جبکہ نعشیں گھر پہنچنے پر کہرام مچ گیا۔