ملتان (خبر نگار خصوصی) پاکستان کسان اتحاد کے زیر اہتمام ملتان میں نواں شہر سے پریس کلب تک خالد محمود کھوکھر،صدر پاکستان کسان اتحادکی زیر صدرات کسان ریلی کا انعقاد کیا گیا جس میں ضلع ملتان اور نواحی علاقوں سے کسانوں کے علاوہ عام شہریوں نے کثیر تعداد میں شرکت کی۔ صدر پاکستان کسان اتحادخالد محمود کھوکھرنے کہا کہ ماضی میں بھی جب کسانوں کو مشکلات کا سامنا کرنا پڑا تو پاک فوج نے اپنا کردار بھرپور طریقے سے ادا کیا۔ اس کی واضح مثال ٹڈی دل کے سنگین خطرے سے نجات دلانے میں پاک فوج کا عظیم کردار ہے۔ اس طرح کے نظام آبپاشی کو بہتر بنانے میں پاک فوج کی خدمات بھی قابل ستائش قرار دیتے ہوئے ریلی کے شرکاء  نے پاک فوج زندہ بادکے نعرے لگائے۔ خالد محمود کھوکھر نے اپیل کرتے ہوئے کہا کہ موجودہ صورتحال میں بنجر زمینوں کی آبادکاری اور ملک کی زرعی پیداوار میں اضافے کے لیے ہمیشہ کی طرح پاک فوج کو کاشتکاروں کی مددکرنے میں بھرپور کردار ادا کرنا چاہیے۔