فیروز والہ : آتشزدگی کے واقعات2 عورتوں سمیت 4افراد جھلس گئے ‘لاکھوں مالیت کا سامان جل گیا

   فیروزوالہ( نامہ نگار) شاہدرہ رچنا ٹاؤن اور صدر ایریا کے علاقے میں دوفیکٹریوں اور گھر میں آگ لگنے سے لاکھوں روپے مالیت کا سامان جل گیا ۔ رچنا ٹاؤن میں بلائی منزل  میں سرکٹ شارٹ کے باعث آگ لگ گئی ‘ لاکھوں روپے مالیت کا سامان جل گیا۔ ریسکیو کے عملے نے کئی گھنٹوں کی جدوجہد کے بعد آگ پر قابو پا لیا ۔برکت ٹاؤن نہر کے قریب مکان میں آتشزدگی کے دوران آگ بجھاتے نوجوان جھلس کر زخمی جبکہ گھر میں پڑا ہوا سامان جل گیا ۔ریسکیو عملے نے آگ پر قابو پا لیا۔بیگم کوٹ میں سکریب کے کارخانے میں آگ لگنے سے سامان چل گیا ۔جناج پارک کے قریب آتشزدگی دوران تین افراد ثروت ،یاسین بی بی اور سلیمان جھلس کر زخمی ہو گئے۔ کوٹ رنجیت میں جوتوں والی فیکٹری میں آتشزدگی کی وجہ معلوم نہ ہو سکی۔ آگ فیکٹری کے فرسٹ فلور پر جوتوں کے گودام میں لگی۔ریسکیو فائر فائٹرز نے آگ پر قابو پا لیا۔