لاہور (کلچرل رپورٹر) ٹورنٹو فلم فیسٹیول میں پاکستانی فلم ”عشق خدا“ کی پذیرائی پر فلمی حلقوں نے خوشی کا اظہار کرتے ہوئے اسے پورے پاکستان کی کامیابی قرار دیا ہے۔ یاد رہے کہ فلم ”عشق خدا“ کے ڈائریکٹر شہزاد رفیق ہیں اور اس کی کاسٹ میں شان، میرا، وائم، حبیب شامل ہیں۔ فلم ایگزیبٹرز ایسوسی ایشن کے نائب صدر صفدر خان، فلم پروڈیوسرز ایسوسی ایشن کے چیئرمین سیدنور، معروف فلمسازو تقسیم کار اعجاز کامران، سینما مینجمنٹ ایسوسی ایشن کے چیئرمین قیصر ثناءاللہ خان نے ٹورنٹو فلم فیسٹیول میں ہدایت کار شہزاد رفیق کی فلم کی عشق خدا کی پذیرائی پر انہیں مبارکباد دی ہے۔