اسلام آباد (ثناءنیوز) صدر آصف علی زرداری اور پاکستان مسلم لیگ (ن) کے صدر اور آئندہ وزیراعظم میاں محمد نواز شریف کے درمیان آج (بدھ کو) اسلام آباد میں ملاقات ہوگی۔ عام انتخابات کے بعد پہلی ملاقات ہوگی تاہم یہ ملاقات غیر رسمی ہوگی، پاکستان مسلم لیگ (ن) کے صدر محمد نواز شریف آج چینی وزیراعظم کے اعزاز میں استقبالیہ تقریب میں شرکت کیلئے ایوان صدر آئیں گے اور صدر آصف علی زرداری سے غیر رسمی ملاقات ہوگی، ون آن ون ملاقات کا امکان نہیں ہے۔