پاکستان جوجسٹو ٹیم کے اعزاز میں گورنر سندھ عمران اسماعیل کی طرف سے تقریب

لاہور(سپورٹس رپورٹر+نمائندہ سپورٹس )تھائی لینڈ میں ہونے والے جوجسٹوورلڈ کپ میں نمایاں کارکردگی کا مظاہرہ کرتے ہوئے گولڈ و سلور میڈل حاصل کرنے والی پاکستان جوجسٹو ٹیم کے اعزاز میں گورنر سندھ عمران اسماعیل گورنر ہائوس میں ایک تقریب کا اہتمام کیا۔ تقریب میںجوجسٹو کھلاڑی فاطمہ عرفان، دلاور خان ، محمد علی رشید کے ہمراہ ممبر صوبائی اسمبلی ایم علی عزیز، طارق علی ایسوسی ایٹ سیکریٹری پاکستان جوجسٹو فیڈریشن، محمد علی، سعدیہ عدنان، شارق علی بورڈ ممبران سندھ جوجسٹو ایسوسی ایشن بھی موجود تھے۔ گورنر سندھ عمران اسماعیل نے  ٹیم کی کارکردگی کو سراہتے ہوئے کہا کہ قومی ہیروز پاکستان کا فخر ہیں۔ مستقبل میں گورنر سندھ عمران اسماعیل نے جوجسٹو فیڈریشن کو اپنے مکمل تعاون کا یقین دلایا۔