جنرل باجوہ سے پولیش مسلح افواج کے سربراہ کی ملاقات، خطے میں امن کیلئے پاکستانی کوششوں کوسراہا

راولپنڈی (نوائے وقت رپورٹ) پولش مسلح افواج کے سربراہ لیفٹیننٹ جنرل جاروسلامیکا نے جی ایچ کیو میں آرمی چیف جنرل قمر جاوید باجوہ سے ملاقات کی آئی ایس پی آر کے مطابق ملاقات میں دونوں مسلح افواج کے درمیان دفاع تربیت اور سکیورٹی کے شعبوں میں تعاون پر بات چیت کی گئی لیفٹیننٹ جنرل جارو سلامیکا نے پاکستان کی مسلح افواج کی مہارت اور دہشتگردی کے خلاف کامیابی کو سراہا پولش مسلح افواج کے سربراہ نے پاکستان آرمی کے خطے میں امن کیلئے کردار کو بھی سراہا جی ایچ کیو پہنچنے پر پولینڈ کی مسلح افواج کے سربراہ نے یادگار شہدا پر پھول چڑھائے پولینڈ کی مسلح افواج کے سربراہ کو اس موقع پر گارڈ آف آنر بھی پیش کیا گیا۔علاوہ ازیں پولینڈ کی مسلح افواج کے سربراہ ایئر ہیڈکورٹرز اسلام آباد کا دورہ کیا۔ معزز مہمان کو گارڈ آف آنر پیش کیا گیا۔ معزز مہمان نے یادگار شہداء پر پھولوں کی چادر چڑھائی۔ ایئر چیف مجاہد انور خان سے ملاقات کی جس میں علاقائی سلامتی اور باہمی تعاون سے متعلق امور پر تبادلہ خیال کیا گیا۔ پولینڈ کی مسلح افواج کے سربراہ نے پاک فضائیہ کی پیشہ وارانہ مہارت کو سراہا۔