بھارت میں ٹی ٹونٹی ورلڈ کپ  ہونا مشکل ہے:مائیک ہسی

سڈنی (یواین پی)سابق آسٹریلوی کرکٹر مائیک ہسی نے بھارت میں ٹی 20 ورلڈ کپ کا انعقاد کورونا کے باعث مشکل قرار دیدیا۔ ایک انٹرویو میں مائیک ہسی نے کہا کہ بھارت میں ٹی ٹونٹی ورلڈ کپ ہونا مشکل ہے، کئی کرکٹ بورڈز بھارت میں کھیلنے کے لئے گھبراہٹ کا شکار ہوں گے۔انہوں نے کہا کہ ٹی ٹونٹی ورلڈ کپ میں تو زیادہ ٹیمیں ہوں گی انڈین لیگ میں آٹھ ٹیمیں تھیں، میچز مختلف بھارتی شہروں میں ہوں گے تو خطرہ بڑھ جائے گا۔سابق آسٹریلوی کرکٹر نے کہا کہ میں سمجھتا ہوں متبادل پلان یو اے ای ہونا چاہیے۔آئی سی سی ٹی ٹونٹی ورلڈ کپ اکتوبر نومبر میں بھارت میں شیڈول ہے، مائیک ہسی بھارتی لیگ کے دوران کورونا کا شکار ہوئے، صحتیاب ہو کر پرسوں آسٹریلیا پہنچے۔واضح رہے کہ بھارتی میڈیا پہلے ہی بھارت میں ایونٹ کے انعقاد کو مشکل قرار دے چکا ہے۔