مٹھیال(نامہ نگار)دہشت اور خوف کی فضا ختم ہوئی تو عوام نے سکھ کا سانس لیا علاقہ جندال میں دن دیہاڑے ڈکیتی کی وارداتوں میں ملوث منظم گروہ کی گرفتاری پر جماعت اسلامی پنڈ سلطانی نے اظہار تشکر کی ایک پر وقار تقریب منعقد کی جس میں معززین علاقہ نے بھر پور شرکت کی تقریب سے خطاب کرتے ہوئے بر یگیڈیئر (ر) امیر محمد ممتاز ،آصف نواز خان چیئر مین یو سی پنڈ سلطانی ،معروف آئی سرجن ڈاکٹر طاہر ایوب خان ،شفیق الرحمن نے خدمت خلق کی سرگرمیوں کو سراہا اور ڈکیت گروہ کی گرفتاری پر پولیس اور بالخصوص اپنی جان پر کھیل کر ڈاکوئو ں کا مقابلہ کرنے والے نوجوانوں کو خراج تحسین پیش کیا تقریب میں ایس ایچ اور تھانہ بسال حیات خان اور پنڈ سلطانی چوکی کے انچارج حاجی اللہ یار خان کو شیلڈز اور اعزازات سے نوازہ گیا جبکہ پولیس کے ساتھ ملکرڈاکوئوں کا مقابلہ کرنے والے نوجوانوں ،ظریف شاہ،محمد اسحاق ،وقار،نوازش ،ثاقب ،حاجی ناصر کو بھی شیلڈز اور نقد انعامات دیئے گئے۔شرکاء نے خدمت خلق کی سرگرمیوں کو سراہا اور ڈکیت گروہ کی گرفتاری پر پولیس اور بالخصوص اپنی جان پر کھیل کر ڈاکوئو ں کا مقابلہ کرنے والے نوجوانوں کو خراج تحسین پیش کیا