فیروز والہ : ٹریفک حادثات ایک شخص جاں بحق‘8زخمی 

فیروزوالہ( نامہ نگار) جی ٹی روڈ پر ٹریفک کے مختلف حادثات میں ایک شخص ہلاک 8افراد زخمی ہوگئے۔ لاہور سے فیصل آباد جانے والی ٹرین کی زد میں آکر نامعلوم شخص ہلاک ہوگیا۔ ہاوسنگ کالونی نے پولیس نے واقعہ کی رپورٹ درج کرلی ۔واقعہ کی چیچو کی ملیاں کے قریب پیش آیا۔ لاہور روڈ پر چونگی سٹاپ کے قریب مزدا بجلی کے کھمبے سے ٹکرا گیا، حادثہ ڈرائیور کو اونگھ آ جانے کی وجہ سے پیش آیا، حادثہ کے نتیجہ میں ڈرائیور علی اکبر اور اس کا ساتھی زخمی ہوگیا جنہیںہسپتال داخل کرا دیا ۔ کالا خطائی روڈ پر دورکشے آپس میں ٹکرا گئے جس کے نتیجے میں چھ افراد زخمی ہو گئے۔