سی ای او ماڈل بازار شاہد قادر کا ماڈل بازاروں کے ہنگامی دورے جاری

لاہور (نیوز رپورٹر) سی ای او ماڈل بازار شاہد قادر کا ماڈل بازاروں کے ہنگامی دورے جاری۔شاہد قادر نے گزشتہ روز ماڈل بازار وحدت کالونی، سبزہ زار،اور ٹھوکر نیاز بیگ ماڈل بازار کا دورہ کیا۔صفائی مہم کے سلسلے میں ٹھوکر ماڈل بازار میں سی ای او ماڈل بازار شاہد قادر نے خود جھاڑو لگایا اور صفائی مہم کا حصہ بننے کی ہدایت کی۔ وحدت کالونی ماڈل بازار میں صفائی کے بہترین انتظامات پر منیجر کو شاباش دی۔ ہفتہ کے ایک روز منیجر سمیت دیگر تمام عملہ صفائی مہم میں حصہ لے گا اور خود صفائی کرے گا۔ بازار عملہ اور منیجر کو بہترین کارکردگی دکھانے پر انعامات سے نوازا جائے گا۔سبزہ زار ماڈل بازار میں بہترین ڈیوٹی سر انجام دینے پر معذور سکیورٹی گارڈ محمد نعمان کو موقع پر نقد انعام دیا۔