لاہور (سپورٹس رپورٹر) پاکستان کرکٹ بورڈ نے چار رکنی نئی قومی سلیکشن کمیٹی تشکیل دیدی جس کے سربراہ ہارون رشید ہوں گے جبکہ حسن چیمہ، مکی آرتھراور گرانٹ بریڈ برن حصہ ہوں گے۔ نئی سلیکشن کمیٹی پاکستان ٹیم ، شاہین اور انڈر 19 ٹیم کی سلیکشن کریگی۔  پی سی بی کی جانب سے جاری اعلامیہ میں کہا گیا ہے کہ پاکستان سپر لیگ کی معروف فرنچائز اسلام آباد یونائیٹڈ کے اسٹریٹجی منیجر حسن چیمہ کو قومی ٹیم کی سلیکشن کمیٹی کا حصہ بنایا گیا ہے۔