لاہور(سپورٹس رپورٹر ) انگلینڈ اور پاکستان کی کرکٹ ٹیموں کے درمیان چار ٹی 20  میچوں پر مشتمل سیریز کا پہلا میچ آج ہیڈنگلے لیڈز میں کھیلا جائیگا ۔ پاکستانی ٹیم بابر اعظم کی زیر قیادت میدان میں اتریگی۔انگلینڈ ٹیم کو جوز بٹلرلیڈ کرینگے  ۔سیریز کا پہلا میچ بارش سے متاثر ہونے کا خدشہ ہے۔ برطانوی محکمہ موسمیات کے مطابق لیڈز میں بارش کا 60فیصد امکان ہے، دن میں بادل چھائے رہیں گے۔ دوپہر کو شروع ہونے والی بارش وقفے وقفے سے رات 12 بجے تک جاری رہ سکتی ہے۔شام کے وقت موسم کی تیز بارش کی پیش گوئی کی گئی ہے۔ ہوا میں نمی کا تناسب 92 تک رہنے کا امکان ظاہر کیا ہے جس کے باعث باؤلرز اور فیلڈرز کو گیند تھامنے میں مشکل کا سامنا کرنا پڑیگا جبکہ پچ میں نمی بیٹرزکیلئے بھی مشکلات پیدا کریگی۔