پاک فضائیہ کا تربیتی طیارہ شور کوٹ میں گر کر تباہ، پائلٹ محفوظ رہا 

جھنگ (نامہ نگار) پاک فضائیہ کا تربیتی طیارہ معراج چک نمبر 412 میں فنی خرابی کے باعث گر کر تباہ ہو گیا۔ طیارے نے رفیقی ایئر بیس سے اڑان بھری اور چند منٹ بعد حادثہ کا شکار ہو گیا۔ پائلٹ بذریعہ پیرا شوٹ بر وقت طیارے سے نکلنے میں کامیاب رہا۔ پاک فضائیہ اور سکیورٹی فورسز کی امدادی  ٹیمیں موقع پر پہنچ گئیں۔ حادثہ کے باعث مقامی شہری آگ لگنے سے جھلس گیا۔ اخلاق احمد کو ابتدائی طبی امداد کے بعد ہسپتال منتقل کر دیا گیا۔