گوجرانوالہ چیمبر کے وفدکی کلیکٹرکسٹم سے ملاقات

گوجرانوالہ( نمائندہ خصوصی)گوجرانوالہ چیمبر آف کامرس اینڈ انڈسٹری کے وفدنے کلیکٹرکسٹم سمبڑیال صائمہ آفتاب سے اہم ملاقات کی۔ جبکہ وفد کی قیادت صدر چیمبر ضیا الحق(شیخ فیصل ایوب)نے کی۔وفد میں سابق سینئرنائب صدر عرفان سہیل،سینئر راہنما شیخ گلزار ان کے ہمراہ شامل تھے،صدر چیمبر ضیا الحق نے بزنس کمیونٹی کو کسٹم سے متعلق مسائل سے آگاہ کیا۔ اگر بزنس کمیونٹی کو آسانیاں نہ دیں گئی تو کاروبار ی مسائل میں اضافہ ہوگا ،گوجرانوالہ کی بزنس کمیونٹی ملکی معیشت میں اپنا اہم کردار ادا کر رہی ہے ، وفد کا خیر مقدم کرتے ہوئے کلیکٹر کسٹم صائمہ آفتاب نے کہا کہ پاکستانی معیشت میں گوجرانوالہ کی بزنس کمیونٹی ریڑھ کی ہڈی کی حیثیت رکھتی ہے اس میں کوئی دو رائے نہیں کہ بزنس کمیونٹی کی مشکلات دور کرنے سے ہی ملکی معیشت بہتر ہو گی اور ملک میں خوشحالی آئے گی۔البتہ جہاں تک صدر چیمبر نے کاروباری تحفظات پیش کئے ہیں ہم آپ کو یقین دلاتے ہیں کہ ان کی روشنی میں بزنس کمیونٹی کوریلیف دیا جائے گا ۔