ٹی ٹوئنٹی ورلڈکپ سے قبل دنیائے کرکٹ کا بڑا اپ سیٹ

 ٹی ٹوئنٹی ورلڈکپ سے قبل دنیائے کرکٹ کا بڑا اپ سیٹ، امریکا نے ٹسٹ اسٹیٹس رکھنے والے بنگلہ دیش کو شکست دے دی۔ تفصیلات کے مطابق ٹی ٹوئنٹی ورلڈکپ میں پاکستان کے گروپ میں شامل امریکا نے دنیائے کرکٹ کا ایک اور بڑا اپ سیٹ کر دیا۔امریکا میں کھیلے گئے بین الاقوامی ٹی ٹوئنٹی میچ میں بنگلہ دیش نے پہلے بیٹنگ کرتے ہوئے مقررہ 20 اوورز میں 153 رنز بنائے۔ جواب میں امریکا نے 5 وکٹوں کے نقصان پر 20 ویں اوور میں ہدف حاصل کر لیا۔ یوں کمزور ترین ٹیموں میں شمار ہونے والی امریکی کرکٹ ٹیم نے ٹیسٹ اسٹیٹس رکھنے والے بنگلہ دیش کو اپ سیٹ شکست دے دی۔