لاہورمیں میڈیا سے گفتگو کرتے ہوئے قاسم ضیا نے کہا کہ قومی ہاکی ٹیم کے کھلاڑیوں کی کارکردگی ورلڈ کپ اور کامن ویلتھ گیمز کی نسبتاً بہتررہی ہے۔ بھارت کے خلاف میچ کے دوران قومی ہاکی ٹیم نے عمدہ ٹیم ورک کا مظاہرہ کیا تاہم بھارت کے خلاف ہماری شکست کی وجہ خراب کھیل نہیں بلکہ ناقص ایمپائرنگ تھی۔ ان کا کہنا تھا کہ قومی ہاکی ٹیم ایشین گیمزکا فائنل کھیلنے کی صلاحیت رکھتی ہے اورانشااللہ قوم کی دعاؤں سے ایشین گیمزمیں فتح ہماری ہوگی۔