آئندہ چوبیس گھنٹوں کے دوران ملک کے زیادہ ترعلاقوں میں موسم خشک، تاہم کشمیراوراس سے ملحقہ علاقوں میں چند ایک مقامات پر ہلکی بارش کا امکان ہے

گزشتہ چوبیس گھنٹوں کے دوران ملک کے زیادہ تر علاقوں میں موسم خشک رہا، تاہم پنجاب اور خیبر پختونخواہ کے میدانی علاقوں میں صبح کے وقت دھند چھائی رہی۔ آج ملک میں کم سے کم درجہ حرارت سکردو میں منفی تین ڈگری سینٹی گریڈ ریکارڈ کیا گیا، جبکہ اسلام آباد اور مظفر آباد آٹھ،کراچی سترہ،لاہور اور فیصل آباد تیرہ،پشاور گیارہ،کوئٹہ پانچ، گلگت دو،مری سات اور ملتان میں سولہ ڈگری سینٹی گریڈ رہا۔محکمہ موسمیات کے مطابق آئندہ چند روز کے دوران ملک کے زیادہ تر علاقوں میں موسم خشک رہے گا جبکہ کاشت کے علاقوں میں بھی رواں ہفتے بارش کا کوئی امکان نہیں۔