لاہور (سپورٹس رپورٹر) پاکستان ہاکی فیڈریشن ویمن ونگ نے اگلے ماہ سنگاپور میںویمن ایشیا کپ کوالیفائنگ را¶نڈ کےلئے 18 رکنی ٹیم کا اعلان کر دیا ہے۔ آمنہ میر ٹیم کی قیادت کے فرائض انجام دینگی۔ قومی ٹیم اسلام آباد سے 3 دسمبر کو سنگاپور روانہ ہوگی۔ کھلاڑیوں میں رضوانہ یاسمین، ماریہ سعید، عشرت عباس، اسما اشرف، نادیہ کاظم، اقرا جاوید، شاہدہ رضا، آمنہ میر (کپتان)، زیب النسا، عزرا ناصر، عظمٰی لال، حنا کنول، عائشہ بشیر، افشاں نورین، اقصٰی ممتاز، مائرہ صادق، امبرین ارشد اور سحرش گھمن شامل ہیں۔ مینجمنٹ میں تنزیلہ عامر مینجر، محمد عثمان ہیڈ کوچ، محمد عرفان سینئر کوچ، روبینہ نوروز معاون کوچ اور شرمین محبوب فزیو تھراپسٹ شامل ہیں۔ ہیڈ کوچ محمد عثمان نے کہا کہ ٹورنامنٹ میں اچھے نتائج دینے کی کوشش کرینگے۔