ماضی کی بجائے کامیابیوں کو نئی جدت کیساتھ پیش کرنا چاہئے: مصطفی قریشی

لاہور( این این آئی)سینئر اداکار مصطفی قریشی نے کہا کہ ہمیں اپنے ماضی کو یکسر نظر انداز کرنے کی بجائے اس وقت کی کامیابیوں کو نئی جدت کیساتھ پیش کرنا چاہئے ‘ ہمیں ٹی وی ڈراموں کی طرح فلموں میں بھی جاندار اسکرپٹس کو اہمیت دینا ہو گی۔ جب بھی اچھا کام ہوگا اسے ضرور پذیرائی ملے گی، اب دور بدل چکا ہے ہمیں روایتی فلموں سے جان چھڑانی ہوگئی اور ایسی فلمیں بنانا ہونگیں جو موجودہ دور کی عکاسی کرتی ہوںہمیں جدید ٹیکنالوجی کیساتھ ساتھ اپنی ثقافت کو بھی اجاگر کرنا ہوگا،  اگر ہم اپنی ثقافت کو لیکر چلیں گے تو لوگ ضرور فلمیں دیکھنے سینمائوں کا رخ کریں گے۔