اسلام آباد سمیت خیبر پی کے کے کئی شہروں میں زلزلے کے جھٹکے، شدت 6 ریکارڈ کی گئی

پشاور+  اسلام آباد (اے پی اے)  اسلام آباد سمیت خیبرپی کے کے مختلف علاقوں میں زلزلے کے شدید جھٹکے محسوس کئے گئے جس کے باعث لوگوں میں شدید خوف ہراس پھیل گیا اور وہ گھروں سے باہر نکل آئے۔ زلزلہ پیما مرکز کاکہنا تھا کہ خیبرپی کے کے دارالحکومت پشاور سمیت سوات، چترال، بٹ خیلہ، مالا کنڈ، فاٹا اور باجوڑ ایجنسی میں بھی زلزلے کے شدید جھٹکے محسوس کئے گئے جبکہ اس کی شدت 6 ریکارڈ کی گئی۔ زلزلے کا مرکز افغانستان اور تاجکستان کا سرحدی علاقہ تھا تاہم کسی جانی ومالی نقصان کی اطلاع نہیں ملی۔