لاہور (سٹاف رپورٹر) پروڈکشن منیجر شعبہ اشتہارات نوائے وقت ذوالفقار علی کا بیٹا، بھانجا اور بھتیجا ویگن کی ٹکر سے جاں بحق ہوگئے۔ بتایا جاتا ہے ذوالفقار علی کا بیٹا، بھانجا اور بھتیجا تینوں نوجوان جن کی عمریں 20 سے 22 سال کے درمیان ہیں، موٹر سائیکل پر گاﺅں سے چکوال شہر کی طرف جا رہے تھے کہ اڈا ملہال مغلاں کے قریب سامنے سے آنے والی ویگن سے ٹکرا گئے جس کے نتیجے میں ذوالفقار علی کا بھتیجا وقار اشرف موقع پر ہی دم توڑ گیا جبکہ بیٹا حمزہ ذوالفقار اور عمر شبیر کو ہسپتال لے جایا جا رہا تھا جو زخموں کی تاب نہ لاتے ہوئے راستے میں ہی دم توڑ گئے۔ نماز جنازہ آج بروز اتوار دوپہر 2 بجے ادا کی جائیگی۔
چکوال/ حادثہ