پولٹری مافیا نے صرف ایک دن میں برائلر مرغی کا گوشت 10 روپے کلو مہنگا کردیا

لاہور (کامرس رپورٹر) پولٹری مافیا نے صرف ایک دن میں ایک کلو برائلر مرغی کے گوشت کی قیمت میں بلاجواز 10 روپے اضافہ کردیا ہے جس سے اس کا ریٹ 174 روپے سے بڑھ کر 184 روپے ہوگیا ہے۔ واضح رہے کہ پولٹری مافیا نے گزشتہ 7 روز کے دوران ایک کلو برائلر مرغی کے گوشت کی قیمت میں مجموعی طور پر 29 روپے کا اضافہ کیا ہے کیونکہ 15 نومبر کو ایک کلو برائلر مرغی کے گوشت کی قیمت 155 روپے تھی۔