لاہور(سپورٹس رپورٹر+نمائندہ سپورٹس) پاکستان کے ٹاپ پروفیشنل باکسر محمد وسیم تین مرتبہ کے ڈبلیو بی سی لائٹ فلائی ویٹ چیمپئن میکسیکو کے گانیگان لوپیز سے آج دبئی میں فائٹ کریں گے، بڑی باوٹ سے قبل دونوں باکسرز نے دبئی میں ویٹ کرایا۔ دونوں باکسروں کی پریس کانفرنس ہوئی جس میں محمد وسیم نے کہا کہ لوپیز ان سے زیادہ تجربہ کار ہیں لیکن اس فائٹ کیلئے انہوں نے بہت محنت کی ہے۔ امید ہے لوپیز کیخلاف بھی کامیاب ہوں گے، انہوں نے کہا کہ جس طرح وہ فائٹ کے آغاز میں ہی زور دار مکہ بازی کرتے ہیں اسی انداز میں وہ رنگ میں اتریں گے اور اولین ترجیح لوپیز کو ناک کرنا ہے۔ محمد وسیم نے سکاٹ لینڈ میں بھرپور تیاریاں کی، سکاٹ لینڈ کے سر سبز پہاڑوں پر سائیکلنگ چلانے میں مصروف رہے۔ سائیکل چلانے سے گھٹنے اور ٹانگیں مضبوط ہوتی ہیں، میکسیکن فائٹر کو شکست دیکر پاکستان کیلئے کامیابی حاصل کرناچاہتا ہوں۔