مری(نامہ نگار خصوصی) مری میں کارچورگینگ متحر ک دو ماہ کے دوران دودرجن کے قریب گاڑیا ں چوری کرلی گئیں مری پولیس کی نااہلی اور غفلت کے باعث تاحال اس گینگ کو گرفتار نہ کیاجاسکا مری شہر سمیت ،مری امپروومنٹ ٹرسٹ ،ایکسپریس و ے ،جی ٹی روڈ ،بھوربن روڈ ،لوئر مظفر آباد روڈ سے اب تک چوری ہونیوالی درجنوں گاڑیوں میں سے ایک بھی برآمدنہ ہوسکی اور نہ ہی پولیس کارلفٹرز کوگرفتار کرسکی گذشتہ رات مری امپروومنٹ ٹرسٹ میں کھڑی ایک کرولا گاڑی کو نامعلوم چور شیشے توڑ کر چوری کرنے کی غرض سے اسکا سٹیئرنگ بکس کھول دیا اوربھاری مالیت کے موبائل چوری کرلئے گاڑی سٹارٹ نہ ہونے کے باعث لے جانے میں کامیاب نہ ہوسکے اسی ہائوسنگ سکیم سے چند دن قبل بھی گاڑی چوری ہوچکی ہے مری پولیس غفلت کی نیند سوئی ہوئی ہے اور لوگوں کی جان ومال محفوظ نہیں وزیر اعلیٰ پنجاب،آئی جی پولیس پنجاب،آرپی اور اور سی پی اوراولپنڈی فوری نوٹس لیں اہل علاقہ کامطالبہ۔