لاہور (سپورٹس رپورٹر)پشاور میں ہونے والی قومی امیچر گالف چیمپئن شپ لاہور گیریڑن گالف کلب کے نعمان الیاس نے اپنے نام کرلی جبکہ خواتین کے گراس مقابلوں میں حمنہ امجد چیمپئن قرار پائیں۔چیمپئن شپ لاہور گیریژن کلب کے نعمان الیاس نے 3 انڈر پار 285 اسکور کے ساتھ جیتی، لیڈیز گراس میں کراچی ایئر مین کلب کی حمنہ امجد نے 1 اوور پار 217 اسکور کے ساتھ تیسری مرتبہ قومی چیمپئن بننے کا اعزاز حاصل کیا۔سینئر امیچر میں کرنل وقار احمد 19 اوور پار 235 سکور کے ساتھ فاتح قرا پائے۔امیچر لیڈیز نیٹ کا ٹائٹل راولپنڈی گالف کلب کی آمنہ ٹوانہ نے 13 انڈر پار 202 سکور کیساتھ اپنے نام کیا جبکہ ایونٹ میں سب سے کم عمر کھلاڑی بشریٰ فاطمہ 211 سکور کے ساتھ رنرز اپ قرار پائیں۔61ویں نیشنل امیچر گالف چیمپئن شپ کے مہمان خصوصی ایئر وائس مارشل محمد احسان الحق نے کھلاڑیوں میں ٹرافیاں اور دیگر انعامات تقسیم کیے۔