قومی ٹیسٹ سکواڈ کے کھلاڑی بنگلہ دیش پہنچ گئے

لاہور(سپورٹس رپورٹر) قومی ٹیسٹ اسکواڈ کے کھلاڑی بنگلہ دیش پہنچ گئے ہیں ،جہاں ان کا کرونا کا ٹیسٹ ہوا۔قومی ٹیسٹ ٹیم کے کھلاڑی رات گئے لاہور سے ڈھاکا کے لیے روانہ ہوئے تھے جبکہ بنگلا دیش پہنچنے والے کھلاڑی ایک روزہ قرنطینہ کے بعد پریکٹس کریں گے، بنگلہ دیش جانے والے کھلاڑیوں میں امام الحق ، اظہر علی ، عبداللہ شفیق ، عابد علی ، فواد عالم ، بلال آصف ، فہیم اشرف ، کامران غلام ، سعود شکیل ، محمد عباس ، نسیم شاہ ، نعمان علی ، ساجد خان اور زاہد محمود شامل ہیں۔شاہین بنگال ٹائیگرز کے خلاف 2 ٹیسٹ میچ کھیلیں گے۔ کرونا ٹیسٹ منفی آنے پرکھلاڑی بنگلہ دیش میں پہلے سے موجود سکواڈ کو جوائن کریں گے اور پریکٹس کا آغاز کریں گے ۔