لاہور(سپورٹس رپورٹر)بنگلہ دیش نے پاکستان کو ویمنز ورلڈ کپ کوالیفائر میچ میں تین وکٹوں سے شکست دیدی ۔ بنگلہ دیش ویمنز ٹیم کی کپتان نے ٹاس جیت کر فیلڈنگ کا فیصلہ کیا ۔پاکستان ویمنز ٹیم نے 7وکٹوں پر 201 رنز بنائے ۔ منیبہ علی 22‘عائشہ ظفر 6‘کپتان جویریہ خان بارہ ‘ارم جاوید تین ‘نداڈ ار 87‘فاطمہ ثناء پانچ رنز بناکر آئوٹ ہوئیں ۔عالیہ ریاض 61رنز پر ناقابل شکست رہیں ۔ریتو مونی اور ناہیدہ اختر نے دو دو کھلاڑیوں کو آئوٹ کیا ۔ بنگلہ دیش ویمنز ٹیم نے ہدف سات وکٹوں پرپورا کرلیا ۔ مرشدہ خاتون نو ‘شرمین اختر اکتیس ‘فرغانہ حق پینتالیس‘نگار سلطانہ چار‘ریتو مونی تینتیس ‘لتا منڈل صفر ‘فہیمہ خاتون صفر پر آئوٹ ہوئیں ۔ رومانہ احمد پچاس اور سلمیٰ خاتون اٹھارہ رنز پر ناقابل شکست رہیں ۔ نشرح سندھو اور عمائمہ سہیل نے دو دو کھلاڑیوں کو آئوٹ کیا ۔