لاہور (نیٹ نیوز) لاہورسمیت پنجاب بھر میں سموگ اور فضائی آلودگی کے بدستور ڈیرے ہیں۔ جس کے باعث دنیا کے آلودہ ترین شہروں کی فہرست میں لاہور  گزشتہ روز بھی  پہلے نمبر پر  رہا۔ چین کا شہر بیجنگ دوسرے جب کہ بھارتی دارالحکومت نئی دہلی تیسرے نمبر پر ہے۔ لاہور میں ائیر کوالٹی انڈیکس 370 ریکارڈ کیا گیا ہے۔ مختلف علاقوں میں ائیرکوالٹی انڈکس خطرناک حدوں کو چھو رہا ہے۔ سب سے زیادہ ائیر کوالٹی انڈیکس کوٹ لکھپت میں 581 ریکارڈ کیا گیا۔ گلبرگ 484، فنجا ہاؤس 449، ماڈل ٹاؤن440، ڈی ایچ اے فیز ایٹ 440، ٹاؤن شپ414 اور ٹھوکر نیاز بیگ میں 406 ائیر کوالٹی انڈیکس ریکارڈ کیا گیا ہے۔