خواجہ غلام فرید ادبی کانفرنس آج،مخدوم شاہ محمود قریشی مہمان خصوصی ہونگے

اسلام آباد(خبر نگار خصوصی)عظیم صوفی شاعر ہفت زبان حضرت خواجہ غلام فرید کی یاد میں ورلڈ سرائیکی کانگریس کے زیر اہتمام خواجہ غلام فرید قومی ادبی کانفرنس 22 نومبر بروز سوموار 2 بجے سہ پہر راولپنڈی آرٹ کونسل میں منعقد ہوگی۔مخدوم شاہ محمود حسین قریشی وزیر خارجہ مہمان خصوصی ہونگے جبکہ خواجہ معین الدین محبوب کوریجہ سجادہ نشین حضرت خواجہ غلام فریدصدارت کرینگے۔معروف دانشور حضرت خواجہ کی حیات اور شاعری پر مقالات پیش کرینگے۔کانفرنس کے انتظامات کو حتمی شکل دینے کیلئے آج ڈاکٹر سعدیہ کمال صدر سرائیکی ادبی اکیڈمی کی رہائش گاہ پر منتظمہ کمیٹی کا اجلاس ڈاکٹر غضنفر مہدی کی زیر صدارت منعقد ہوا۔جس میں بتایا گیا کہ کانفرنس میں ملک بھر سے 500 مندوبین شرکت کرینگے۔درگاہ حضرت خواجہ غلام فرید کے سجادہ نشین خواجہ معین الدین محبوب کوریجہ کانفرنس میں شرکت کیلئے اسلام آباد پہنچ گئے ہیں۔