لاہور(سپیشل رپورٹر)ہوم اکنامکس کالج کے 50رکنی وفد نے الحمراء آرٹس کونسل کا دورہ کیا۔ وفد میں شامل طالبات نے الحمراء کی سرگرمیوں میں خصوصی دلچسپی کا اظہارکیا۔ایگزیکٹوڈائریکٹر الحمراء اعجاز احمد منہاس نے اس حوالے سے کہا کہ الحمراء آرٹس کونسل نوجوان نسل کو اپنی عظیم تہذیبی و ثقافتی ورثے کے قریب رکھنے کی متمنی ہے۔ترجمان الحمراء صبح صادق کے مطابق نوجوانوں مصوروں کے وفد نے الحمراء میں جاری قومی نمائش میں آویزاں شاہکار فن پارے دیکھے۔طالبات نے الحمراء انتظامیہ کی طرف کئے گئے انتظامات پر اطمینا ن کا اظہار کیا اور دورے کو خوش آئند قرار دیا۔