قومی تیراکی چمپئن شپ میں موضع نڑالی کے جوانوں کی شاندار کارکردگی 

جاتلی (نامہ نگار) نیشنل تیراکی چمپئن شپ لاہورمیں جاری تحصیل گوجرخان کے جوانوں نے9گولڈ اور 5سلور میڈل جیت لیے تفصیلات کے مطابق لاہور میں جاری 57ویں نیشنل تیراکی چمپئین شپ جو کہ لاہور میں جاری ہے تحصیل گوجرخان کے موضع نڑالی کے جوانوں نے مجموعی طور پر 9گولڈ میڈل جبکہ فیضان اعوان 3گولڈمیڈلز کے ساتھ سرفہرست، دیگر جوانوں میں ، ذیشان اعوان 2گولڈ 2 سلور میڈلز، محمد مصطفی اعوان 2 گولڈ میڈلز، باسط اعوان 1گولڈمیڈل،  ندیم اعوان1 گولڈ میڈل،  وقاص اعوان2 سلورمیڈلز،نعمان اعوان1 سلور میڈل جیت لیے علاقہ بھر سے سیاسی و سماجی حلقوں نے جوانوں کو خراج تحسین کرتے ہوئے اس توقع کا اظہار کیا کہ وہ اپنی کامیابی کے اس تسلسل کو جاری رکھتے ہوئے بین الاقوامی مقابلوں میں اپنے ملک کا نام بھی روشن کریں گے۔، میڈلسٹ جوانوں نے اپنی اس کامیابی کو اپنے کوچ اولمپئین اسرار حسین کی محنت اور والدین کی دعاؤں کا ثمر قرار دیا۔