کراچی(سٹی نیوز)سندھ آرچری ایسوسی ایشن کا جنرل باڈی اجلاس مسز ثنا علی کی زیر صدارت ہوا جس میں کثرت رائے سے امتیاز شیخ چیئرمین، کرنل ریٹائرڈ ضیاء  الاسلام پیٹرن انچیف، سید اعجاز علی سینئر نائب صدر، شکیل احمد سیکرٹری جنرل اور مس گلرخ خازن منتخب ہو گئیں۔ اجلاس میں پاکستان آرچری فیڈریشن کے اصغر بلوچ اور سندھ اولمپک ایسوسی ایشن کے سیکریٹری جنرل احمد علی راجپوت نے مبصر کی حیثیت سے شرکت کی۔ اجلاس میں انتیس نومبر تا 2 دسمبر کوئٹہ میں ہونے والی نیشنل آرچری چیمپئن شپ کے لیے  سلیکشن کمیٹی بھی تشکیل دی گئی جس کے سربراہ سید اعجاز علی جبکہ کے محمد الیاس، زاہد حمید اور عامر رفیق ممبران ہوں گے ٹیم 28 نومبر کو کوئٹہ روانہ ہوگی ٹیم سلیکشن کے لئے ٹرائلز آج اتوار 20 نومبر کو صدیق میمن اسپورٹس کمپلیکس گلستان اسکاؤٹ ٹریننگ سنٹر میں منعقد ہوں گے۔