قطب پور (نامہ نگار)شاہین کلب قطب پور نے جہانیاں ٹائیگر کلب کو 50 رنزسے شکست دیدی۔ شاہین کلب قطب پور نے پہلے کھیلتے ہوئے مقررہ 25 اوورز میں 300 رنز بنائے۔ خاور گوندل نے 88,خضرشاہ 81 اور عمران خان نے اپنے ڈیبیو میچ میں شاندار بیٹنگ کرتے ہوئے 70 رنز اور کپتان وقاص خلجی نے 30 رنز بنائے۔ بالنگ میں جہانیاں ٹائیگر کی طرف سے وقار وکی اور صدیق نے دو،دو کھلاڑیوں کو آؤٹ کیا۔جواب میں جہانیاں ٹائیگر کی ٹیم مقررہ 25 اوورز میں8 وکٹوں کے نقصان پر صرف 250 رنز بنا سکی۔عمران خان نے اپنے ڈیبیو میچ میں شاندار آل راؤنڈنگ پرفارمنس دکھاتے ہوئے۔ 70 رنز اور 2 اوورز میں 2 کھلاڑیوں کو آؤٹ کیا اور مین آف دی میچ رہے۔کپتان محمد وقاص خلجی نے شاندار ڈیبیو میچ میں عمدہ پرفارمس پر نقد کیش انعام دیا۔