وہاڑی ( کرائم رپورٹر )چک33 ڈبلیو بی میں روحانی بزرگ سید چراغ شاہ المعروف جھمیاں والی سرکارکے چارروزہ سالانہ عرس کے موقع پر تھپڑ کبڈی میچ منعقد کیا گیا،میچ میں ملک کے کبڈی پلیئرعنصر چدھڑ عرف اُچھو بکرا اور گڈو پٹھان سمیت پنجاب بھر سے نامور کھلاڑیوں نے اپنے فن کے جوہر دکھائے،کھلاڑیوں نے ایک دوسرے پر تھپڑوں کی برسات کرتے ہوئے شائقین سے خوب داد سمیٹی ۔کبڈی میچ کے مہمان خصوصی نائب امیدوار ایم این اے چوہدری ایوب بندیشہ،ملک محمد علی،ملک زاہد جندران تھے۔