کوٹری،ڈگری کالج میں انٹرامیورل اسپورٹس پروگرام

کوٹری(نامہ نگار ) علی بابا گورنمنٹ بوائز ڈگری کالج کوٹری میں انٹرامیورل اسپورٹس پروگرام کا آغاز کردیا گیا ہے۔ اسپورٹس ایونٹس کو چیف ڈائریکٹر فزیکل ایجوکیشن پرویز احمد شیخ و ڈائریکٹر فزیکل ایجوکیشن محمد امین جھنڈیر آرگنائز کررہے ہیں۔ والی بال ایونٹ سے پروگرام کا آغاز کیا گیا۔ مہمان خصوصی پرنسپل پروفیسر فضل کریم صدیقی نے والی بال کی سروس کر کے افتتاح کیا۔ افتتاحی نمائشی میچ میں کوٹری اسٹوڈنٹس گرین نے وہائٹس کو 3-0 سے ہرادیا۔ چیف ڈائریکٹر فزیکل ایجوکیشن پرویز احمد شیخ کے مطابق پروگرام میں انٹرکلاس  ٹگ آف وار، ہاکی، کبڈی، کرکٹ، بیس بال،سافٹ بال، تھروبال، ٹیبل ٹینس، بیڈمنٹن،ویٹ لفٹنگ, کراس کنٹری ریس، فٹبال، فٹسال، ایتھلیٹکس، مارشل آرٹ و دیگر کھیلوں کے مقابلے منعقد ہونگے۔