ہائیکورٹ بار میں سرگنگا رام کی پوتی امریکی سینیٹر کیشا رام ہینسڈیل کے اعزاز میں تقریب 

لاہور(سپیشل رپورٹر)لاہور ہائیکورٹ بار ایسوسی ایشن میں سرگنگا رام کی پوتی امریکی  سینیٹر کیشا رام ہینسڈیل کے اعزاز میں تقریب کا انعقاد جاوید اقبال آڈیٹوریم میں کیا گیا۔تقریب میں سرگنگا رام کی پوتی سینیٹر کیشا رام ہینسڈیل نے خصوصی شرکت کی جبکہ لاہور ہائیکورٹ بار کے صدر سردار اکبر علی ڈوگر ،سابق صدر سپریم کورٹ بار احسن بھون سمیت وکلاء کی کثیر تعداد نے شرکت کی۔ تقریب میں سرگنگا رام کی خدمات کو سراہا گیا شرکاء نے کہا کہ سر گنگا رام کے فلاحی اداروں سے آج بھی عوام فائدہ اٹھا رہی ہے سر گنگا رام ہسپتال فلاحی اداروں میں ممتاز مقام رکھتا ہے سرگنگا رام کی پوتی امریکی سینیٹر کیشا رام ہینسڈیل نے منتظمین کا شکریہ ادا کیا۔