ناروال ،دھند کے باعث گاڑی موٹر سائیکل سے ٹکرا گئی،2بھائی سمیت دو ست جاں بحق

نارووال (نامہ نگار) شدید دھند کی وجہ سے شکرگڑھ روڈ جسڑ سٹاپ کے قریب کیری ڈبہ اور موٹر سائیکل میں تصادم سے موٹر سائیکل سوار دو بھائی  اپنے دوست سمیت جاں بحق ہو گئے۔ ریسکیو ذرائع کے مطابق صبح 9 بجے کے قریب کیری ڈبہ جب جسڑ سٹاپ کے قریب پہنچا تو دھند ہونے کی وجہ سے سامنے سے آنے والی موٹر سائیکل سے ٹکرا گیا جس کے نتیجہ میں موٹر سائیکل پر سوار علی اکبر اور جاوید موقع پر جاں بحق ہوگئے جبکہ وارث علی شدید زخمی ہو گیا جس کو ریسکیو نے فوری ڈی ایچ کیو ہسپتال منتقل کر دیا گیا، جہاں وہ زخموں کی تاب نہ لاتے ہوئے دم توڑ گیا۔ جاں بحق ہونے والوں کا تعلق موضع قیام پور سے بتایا جاتا ہے۔ المناک حادثہ کے بعد نعشیں جب گاؤں پہنچی تو ہر طرف کہرام مچ گیا۔ وارث علی اور علی اکبر دونوں بھائی تھے جبکہ جاوید ان کا دوست تھا۔