ایتھنز(اے پی پی)سعودی عرب کی   رائل فضائیہ کی یونان کے سودہ ایئربیس پر آئی آف دی فالکن 3  فضائی مشقیں اختتام پذیر ہوگئیں۔سعودی سفیر ڈاکٹر سعد بن عبدالرحمن العمار اور ایتھنز میں سعودی ملٹری اتاشی کرنل پائلٹ راشد بن عبدالعزیز بھی شریک تھے۔
فضائی مشقوں  کے دوران جارحانہ اور دفاعی دونوں حکمت عملی سے متعلق جوابی کارروائیوں کے تجربات کیے گئے۔مشقوں کے آغاز پر فضائی دستے کے کمانڈر کرنل خلیفہ العنزی نے بتایا تھا کہ نئی مشقیں آئی آف دی فالکن کی ایکسٹینشن ہے، اس سے قبل دونوں ملکوں میں مشقیں ہوچکی ہیں۔کمانڈر کرنل خلیفہ العنزی کا کہنا تھا کہ مشقوں کامقصد تجربات کا تبادلہ، حربی استعداد بڑھانا اور فضائی تکنیکی و امدادی عملے کی مہارتوں کو نکھارنا ہے۔