اردو یونیورسٹی‘ امتحانی فارم 30نومبرتک جمع کرائے جاسکتے ہیں

کراچی (نیوز رپورٹر)وفاقی اردو یونیورسٹی کے ناظم امتحانات غیاث الدین احمد کے مطابق بی اے اوربی کام پرائیویٹ(ناکام طلباء و طالبات) کے امتحانی فارم 30نومبر2022تک صبح9بجے سے شام5 بجے تک علاوہ (ہفتہ ، اتوار) جمع کرائے جاسکتے ہیں۔امتحانات میں شرکت کے خواہشمند امتحانی فارم اور فیس وائوچرجامعہ اردوویب سائٹ https://www.fuuast.edu.pk/pvپر آن لائن پُر کرکے  پرنٹ حاصل کرسکتے ہیں۔ کراچی کے امیدوار ان امتحانی فیس وائوچرپر درج بینک میں جمع کرائیں۔فارم اورفیس وائوچر شعبہ امتحانات پرائیویٹ کائونٹر گلشن اقبال کیمپس اورعبدالحق کیمپس کے شعبہ امتحانات کائونٹرپر جمع کرائیں۔بی اے ،بی کام(سال اول و دوئم ) کی امتحانی فیس5000/- اوربی اے ، بی کام (مشترکہ) کی امتحانی فیس/- 7500 روپے مقرر کی گئی ہے۔