پشاور(بیورورپورٹ)پاکستان کسٹم میں حال ہی میں بھرتی ہونے والے 346 سپاہیوں نے حیات آباد میں قائم کسٹم کے پہلے انفورسمنٹ سکول میں تربیت مکمل کر لی ہے اس سلسلہ میں گزشتہ روز ایک پروقار پاسنگ آؤٹ پریڈ کا انعقاد کیا گیا جس میں چیف کلکٹر خیبرپختونخواہ محمد سلیم نے بطور مہمان خصوصی شرکت کی اس کے علاوہ کلیکٹر انفورسمنٹ کلکٹر اپریزمنٹ سمیت دیگر سینئر افسران نے بھی شرکت کی مہمان خصوصی چیف کلکٹر محمد سلیم نے اس موقع پر تربیت کے دوران بہترین مظاہرہ دکھانے والوں کو شیلڈ  اور سرٹیفکیٹ سے نوازا اور اس عزم کا اظہار کیا کہ نئے بھرتی ہونے والا عملہ اپنے محکمہ کی بہتر سے بہتر خدمت سر انجام دیں گے۔