دیر (نوائے وقت رپورٹ) چیئرمین پیپلز پارٹی بلاول بھٹو دیر میں جلسہ کے بعد مقامی سکول پہنچ گئے۔ کلاس روم میں ٹیچر کی سیٹ پر بیٹھ کر طلباءوطالبات سے بات چیت کی۔ بلاول بھٹو نے بچوں سے پوچھا کہ وہ بڑے ہوکر کیا بنیں گے؟ کسی نے کہا پائلٹ، کسی نے کہا ڈاکٹر بنوں گا، بلاول بھٹو نے بچوں کو دل لگاکر پڑھنے اور آگے بڑھنے کی نصیحت کی۔ انہوں نے کہا کہ آگے بڑھنے اور ترقی کیلئے تعلیم حاصل کرنا مرد و خواتین کیلئے ضروری ہے۔