لاہور(سپورٹس رپورٹر)پاکستان کرکٹ بورڈ نے عمرگل اور سعید اجمل کو پاکستانی کرکٹ ٹیم کا بالترتیب فاسٹ باﺅلنگ اور سپن باﺅلنگ کوچ مقرر کردیا گیا ہے۔ان دونوں کی پہلی اسائنمنٹ آسٹریلیا میں ٹیسٹ سیریز اور نیوزی لینڈ میں ٹی ٹونٹی سیریز ہوگی۔عمرگل نے تقرری کو اعزاز سمجھتے ہوئے پاکستان کرکٹ بورڈ کی مینجمنٹ کمیٹی کے چیئرمین ذکا ءاشرف کا شکریہ اداکیا اور کہا کہ پاکستانی ٹیم کے ساتھ اپنے سابقہ تجربے کی روشنی میں وہ کوچنگ کی مہارت کو بروئے کار لاتے ہوئے وہ ٹیم کی باﺅلنگ کو نئی بلندیوں تک پہنچانے کی کوشش کریں گے۔سعید اجمل نے کہا کہ یہ ذکاء اشرف کے شکرگزار ہیں کہ انہوں نے اس ذمہ داری کیلئے انہیں موقع فراہم کیا۔وہ پاکستانی ٹیم میں سپن باﺅلنگ کی ترقی کیلئے اپنا کردار ادا کرنے میں خوشی محسوس کرتے ہیں اور امید کرتے ہیں کہ ان کا کیریئر اور تجربہ ٹیم میں سپن باﺅلنگ کو آگے بڑھانے میں مدد گار ثابت ہوگا۔