لاہور ( لیڈی رپورٹر)پنجاب ہائر ایجوکیشن کمیشن اور صوبائی جامعات کے اشتراک سے منعقدہونے والی دوسری آل پنجاب یونیورسٹیز انوویشن ایکسپو 2023 کے مقابلوں کے نتائج کااعلان کردیا گیا۔ چیئرمین ڈاکٹر شاہد منیر نے نتائج کا اعلان کیا ، تحقیقی پراجیکٹس کو میڈیکل سائنس، انجینئرنگ ، کمپیوٹر سائنس آئی ٹی، ایگری کلچر، سوشل سائنسز، بزنس ایجوکیشن اورآرٹس کے شعبہ جات میں تقسیم کیا گیا تھا جن میں اول انعام جیتنے والی جامعات میں سپئیرر یونیورسٹی ، پنجاب یونیورسٹی ،آئی ٹی یونیورسٹی ،بیکن ہاﺅس نیشنل یونیورسٹی ، یونیورسٹی آف ہیلتھ سائنسز لاہور ،خواجہ فرید انجینئرنگ یونیورسٹی دومختلف کیٹگریز میں اول اور وویمن یونیورسٹی ملتان ،جبکہ دوسرے نمبر پر آنے والی جامعات میں یوای ٹی لاہور، یوایم ٹی ،ایل سی ڈبلیو ، کوہسار یونیورسٹی شامل ہیں۔ اول آنے والی ٹیم کو ایک لاکھ جبکہ دوم آنے والی ٹیم کو 50 ہزار روپے نقد انعام دیا گیا۔