لاہور(نامہ نگار) تھانہ مغلپور ہ کے علاقے سے ڈ کیتی کی وارداتوں میں ملوث2 رکنی گروہ کو گرفتارکرلیا گیا۔ملزمان گن پوائنٹ پر شہری سے موٹر سائیکل اور موبائل فون چھین کر فرار ہو رہے تھے۔جنہیں 15 کی کال پر کارروائی کرتے ہوئے گرفتار کر لیا گیا۔ملزمان سے 2 موٹر سائیکلیں، 5 موبائل فون اور 50 ہزار روپے نقدی رقم برآمدکی گئی۔ڈولفن سکواڈ نے مختلف علاقوں میں چوری و ڈکیتی کی وارداتوں میں مطلوب ریکارڈ یافتہ ملزمان کو گرفتارکر لیا۔ ملزمان علی 39، اویس 22، کبیر 24 سے زائد چوری و ڈکیتی سمیت سنگین جرائم کے مقدمات میں مطلوب تھے۔ملزمان کو نشتر کالونی وہربنس پورہ سے گرفتار کیا گیا۔ پولیس ریکارڈ کے مطابق تینوں ملزمان مختلف گینگز کے سرغنہ ہیں۔ساندہ کے علاقہ سے سنیچنگ میں ملوث ملزم کو بھی گرفتار کیا گیا۔ ملزم وقاص شہری سے موبائل چھین کر فرار ہوا تھا۔شہری کی نشاندہی پر تعاقب کے بعد ملزم کو گرفتارکر کے قبضہ سے چھینا گیا موبائل فون برآمدکر لیا گیا۔؎گلبرگ پولیس نے مختلف کارروائیوں کے دوران قمار بازی میں ملوث 2 خواتین سمیت 10 ملزمان کو گرفتار کر لیا۔ ملزمان سے 1 کلو چرس اور جوئے پر لگی رقم ٹکڑی برآمدکی گئی۔ ملزمان میں طیب، ارشد،عمیر اور معظم شامل ہیں۔ ملزمان طلحہ، شہباز، عبدالرحمن، طاہر، اقراء اور عفت کو لبرٹی مارکیٹ کے قریب قحبہ خانے سے فحش حرکات کرتے ہوئے گرفتار کیا گیا ہے۔