نوشہرہ ورکاں (نمائندہ نوائے وقت) کار کا ٹائر پھٹنے سے 28 سالہ نوجوان شدید زخمی ،حالت تشویشناک ریسکیو 1122 نے ہسپتال منتقل کیا ۔گوجرانوالہ شیخوپورہ روڈ پر ارتالی ورکاں کے قریب  تیز رفتار کار کا ٹائر برسٹ ہو گیا جس سے گاڑی قلابازیاں کھاتی ہوئی گرین بیلٹ کراس کر کے دوسرے روڈ پر جا گری جس سے 28 سالہ سجاول نامی ڈرائیور کو سر پر شدید چوٹیں آئیں پٹرولنگ پولیس اور ریسکیو 1122 کے جوانوں نے زخمی نوجوان سجاول کو ابتدائی طبی امداد کے بعد ڈسٹرکٹ ہسپتال شیخوپورہ منتقل کر دیا جہاں اس کی حالت تشویش ناک بتائی جاتی ہے۔