آمد رسول ؐ سے جہالت کے بادل چھٹ گئے:بابا جی محمد بوٹا چشتی

گوجرانوالہ(نمائندہ خصوصی) حضورراکرمؐ کی آمد نے دنیا سے جہالت کے اندھیرے مٹا دئیے،آپؐ کی تعلیمات پر عمل پیرا ہونا دنیا و آخرت کی کامیابی کی ضمانت ہے ۔ان خیالات کا اظہار انہوں نے بانی محفل بابا جی محمد بوٹا چشتی نے کھیالی میں محفل میلاد مصطفی بسلسلہ بڑی گیارہویں شریف سے خطاب کرتے ہوئے کیا، محفل میلاد مصطفی سے پیر غلام مصطفی چشتی صابری ، پیر سید زین العابدین ، خلیفہ شہزاد مرتضی نوشاہی، محمد خرم شہزاد چشتی، ساجد اقبال، شاہد اقبال، سیٹھ کاشی و دیگر نے بھی خطاب کیا، پیر سید زین العابدین نے خطاب کرتے ہوئے کہا کہ حضورؐسے محبت ہمارے ایمان کا حصہ ہے اور ہمیں سیرت النبیؐکو اپنی زندگیوں میں عملی طور پر اپنانا چاہیے، اس وقت پوری امت مسلمہ کو مل کر ختم نبوت پر پہرہ دینے کی ضرورت ہے، امت مسلمہ ختم نبوت کے منکرین کو منہ توڑ جواب دینے کیلئے ہر وقت تیار ہے، ختم نبوت کے تحفظ کیلئے کسی قربانی سے دریغ نہیں کریں گے۔