لاہور(سپورٹس رپورٹر) پاکستان شاہینز اور سری لنکا اے کے درمیان سیریز کا دوسرا چار روزہ میچ ڈرا ہوگیا‘سیریز میزبان ٹیم نے ایک صفر سے جیت لی۔مہمان ٹیم نے دوسری اننگز 260رنز چار کھلاڑی آئوٹ پر ڈکلیئر کردی ۔ پون رتھنائیکے 100اور سونل دنیوشا116رنز پر ناٹ آئوٹ رہے ۔ احمد بشیر نے دو کھلاڑیوں کوآئوٹ کیا۔ پاکستان شاہینز کو میچ جیتنے کیلئے 284رنز کاہدف ملا‘ٹیم جواب میں 3وکٹوں پر 156رنز بناسکی ۔محمد سلیمان 66اوراور حیدرعلی 43رنز پر ناٹ آئوٹ رہے ۔ سری لنکا اے نے پہلی اننگز میں 310اور پاکستان شاہینز نے 287رنز بنائے تھے ۔