آسٹریلیا ‘بھارت کے درمیان سیریز کا پہلا ٹیسٹ میچ آج سے شروع

لاہور(سپورٹس رپورٹر)آسٹریلیا اور بھارت کے درمیان ٹیسٹ سیریز کا پہلا میچ آج سے پرتھ میں شروع ہوگا۔ میچ پاکستانی وقت کے مطابق صبح سات بج کر بیس منٹ پر شروع ہوگا۔ آسٹریلوی ٹیم کی قیادت پیٹ کمنز جبکہ بھارتی ٹیم کی قیادت جسپریت بمراہ کرینگے ۔ممکنہ آسٹریلوی ٹیم عثمان خواجہ ‘نتھین میکسوینے ‘مارنوس لابو شین ‘سٹیون سمتھ ‘ٹریوس ہیڈ ‘مچل مارش ‘الیکس کیری ‘مچل سٹارک ‘پیٹ کمنز کپتان ‘نیتھن لیون اور جوش ہیزل ووڈ پر مشتمل ہوگی ۔ پچ ماہرین کے مطابق پچ بیٹرز اور بائولرز دونوں کیلئے ساز گار ہوگی ۔ آسٹریلوی کپتان پیٹ کمنز نے کہا کہ تمام کھلاڑی پر سکون اور کھیلنے کیلئے پرعزم ہیں ۔ سب جانتے ہیں کہ انہیں کس طرح کھیلنا ہے ۔ میٹنگز ‘ٹریننگز اور دوسری اس طرح کی چیزوں میں کارکردگی دکھانے پر فوکس کیا گیا ہے ۔